Ողջույնի խոսք

Հարգելի այցելու.

Ուրախ եմ ողջունել Ձեզ Հայաստանի ՓՄՁ Հաշվապահների Ասոցիացիայի պաշտոնական կայքէջում:

Ասոցիացիան, որդեգրելով «Կրթություն, որակավորում, հսկողություն» կարգախոսը, որպես գործունեության հիմնական առաքելություն, իր առջև նպատակ է դրել ՓՄՁ ոլորտի հաշվապահների մասնագիտական-սոցիալական պատասխանատվության բարձրացմամբ նպաստել Հայաստանի Հանրապետությունում ՓՄՁ հաշվապահական և հարկային հաշվառման համակարգի զարգացմանը: Իր գործունեության շրջանակում Ասոցիացիան, ակտիվորեն համագործակցելով կազմակերպության անդամ հաշվապահների հետ, կազմակերպում և անց է կացնում նրանց վերապատրաստման և ուսուցման դասընթացներ, ապահովում է իրավական ակտերով և մասնագիտական գրականությամբ, իրականացնում է օրենսդրական խորհրդատվություններ:

Ասոցիացիան, հանդիսանալով մի շարք հասարակական խորհուրդների անդամ, համագործակցում է նաև պետական քաղաքականություն և վարչարարություն մշակող մարմինների հետ, որի արդյունքում իրավակիրառ պրակտիկայում հայտնաբերված թերությունների և խնդիրների հիման վրա մշակում, մասնակցում և առաջարկություններ է ներկայացնում հարկային և աշխատանքային օրենսդրության վերաբերյալ խորհուրդների քննարկումներին:

Հաշվի առնելով, որ ՓՄՁ ոլորտը հանդիսանում է Հայաստանի Հանրապետության տնտեսության զարգացման գերակա ուղղություններից մեկը, բայց և միաժամանակ քաջ գիտակցելով պետականաշինության գործընթացում պետական եկամուտների հավաքագրման ռազմավարական նշանակությունը, Ասոցիացիան հորդորում է իր գործընկերներին՝ համագործակցել կարգապահ հարկ վճարողների և ազնիվ պետական ծառայողների հետ:

Վահագն Համբարձումյան

img1

կրթություն որակավորում Հսկողություն

Անդամակցիր հիմա

2019թ. հունիսի 28-ին Երևան քաղաքում տեղի ունեցավ «ՀՀ հարկման այլընտրանքային համակարգերի մոնիթորինգի և բարելավման ծրագրի» շրջանակներում կազմակերպված հանդիպում-քննարկում և ծրագրի արդյունքների ամփոփում:

2019 թվականի հունիսի 11-ին Հայաստանի ՓՄՁ հաշվապահների ասոցիացիայի նախագահ Վահագն Համբարձումյանը «Ֆեյսբուքից դուրս» հաղորդման հյուրն էր։

2019 թվականի հունիսի 11-ին Հայաստանի ՓՄՁ Հաշվապահների Ասոցիացիայի նախագահ Վահագն Համբարձումյանը մասնակցեց ՀՀ ԱԺ տնտեսական հարցերի մշտական հանձնաժողովի ՓՄՁ համագործակցության աշխատանքային խմբի հերթական նիստին:

«Երկիր Մեդիա» հեռուստաընկերության «Բախման կետ՝ Աննա Իսրայելյանի հետ» հաղորդաշարի հերթական թողարկումը նվիրված էր ՀՀ հարկային օրենսդրության վերջին փոփոխություններին: Թողարկման հյուրերից էր նաև Հայաստանի ՓՄՁ հաշվապահների ասոցիացիայի նախագահ Վահագն Համբարձումյանը: Հատվածներ «Բախման կետ՝ Աննա Իսրայելյանի հետ» հաղորդաշարի հերթական թողարկման ընթացքում Հայաստանի ՓՄՁ Հաշվապահների Ասոցիացիայի նախագահ Վահագն Համբարձումյանի ելույթներից:
Ամբողջական հաղորդումը կարող եք դիտել հետևյալ հղմամբ՝ https://www.youtube.com/watch…

 

ՀՀ, ք.Երևան, Վաղարշյան 12, ԱԿՑԵՌՆ-ի շենք, 5-րդ հարկ
(011) 60 00 00 | (041) 60 00 90
Երկ: 09:00-18:00 - Ուրբ: 09:00-18:00